Ushbu ruknimizdagi eng so‘nggi yangiliklar bilan tanishtirishda davom etamiz.

Jorjino trendda!

Angliyaning «Chelsi» klubi yarim himoyachisi Jorjino faoliyatini boshqa klubda davom ettirishga yaqin turibdi.

«Le10 sport» nashrining ma’lum qilishicha, italiyalik futbolchi bilan PSJ jiddiy qiziqib qoldi.

Manbaning ma’lum qilishicha, uni qo‘lga kiritish uchun klub 40 million funt sarf etishga to‘g‘ri keladi.

«Liverpul» o‘z darvozaboni sotadi

Angliyaning «Liverpul» klubi Lorius Karius borasida yakuniy qarorga keldi.

"Kicker" nashrining ma’lum qilishicha, darvozabon tez orada Bundesliga klublarining biri bilan shartnoma imzolaydi.

Manbaning ma’lum qilishcha, kipperni «Union» klubi bir mavsumga ijaraga olishni rejalashtirmoqda.

«Lion»dan ortga qadam

Fransiyaning «Lion» klubi o‘z yarim himoyachisi Ussam Auarning transfer summasini kamaytirdi.

“Canal+” nashrining ma’lum qilishicha, «Lion» Prezidenti Jan-Mishel Ola Auar uchun 60 million emas, 40 million yevro to‘lashlari uchun rozi bo‘ldi.

Manbaning ma’lum qilishicha, “Arsenal” tez orada «taqachilar»ga 40 million yevrolik taklifni rasman yuboradi.

PSJ uni olib qoladi

Parijning PSJ klubi Anxel Di Maria bilan o‘rtadagi shartnomani uzaytirish niyatida.

«Le Parisen» nashrining ma’lum qilishicha, 32 yoshli futbolchi bilan klub muzokaralarga kirishgan. Ma’lum bo‘lishicha, yangi shartnoma 2023-yilga qadar mo‘ljallangan bo‘ladi.

Eslatib o‘tamiz, Di Maria PSJ sharafini 2015 yildan beri himoya qilmoqda. Uning hisobida 48 ta gol va 63 ta assist mavjud.

«Tottenhem»ga King kerak

Angliyaning «Tottenhem» jamoasi ustozi Joze Mourinyo «Bormunt» futbolchisini o‘z safida ko‘rishni istamoqda.

«The Telegraph» nashrining ma’lum qilishicha, Joze Mourinyo «olchalar» hujumchisi Joshua King bilan shartnoma imzolashni klubdan talab qilmoqda.

Eslatib o‘tamiz, hujumchi bilan shuningdek «Manchester Yunayted» klubi ham qiziqib qolgan.