Ушбу рукнимиздаги энг сўнгги янгиликлар билан таништиришда давом этамиз.
Жоржино трендда!
Aнглиянинг «Челси» клуби ярим ҳимоячиси Жоржино фаолиятини бошқа клубда давом эттиришга яқин турибди.
«Le10 sport» нашрининг маълум қилишича, италиялик футболчи билан ПСЖ жиддий қизиқиб қолди.
Манбанинг маълум қилишича, уни қўлга киритиш учун клуб 40 миллион фунт сарф этишга тўғри келади.
«Ливерпуль» ўз дарвозабони сотади
Aнглиянинг «Ливерпуль» клуби Лориус Кариус борасида якуний қарорга келди.
"Kicker" нашрининг маълум қилишича, дарвозабон тез орада Бундеслига клубларининг бири билан шартнома имзолайди.
Манбанинг маълум қилишча, кипперни «Унион» клуби бир мавсумга ижарага олишни режалаштирмоқда.
«Лион»дан ортга қадам
Франциянинг «Лион» клуби ўз ярим ҳимоячиси Уссам Aуарнинг трансфер суммасини камайтирди.
“Canal+” нашрининг маълум қилишича, «Лион» Президенти Жан-Мишел Ола Aуар учун 60 миллион эмас, 40 миллион евро тўлашлари учун рози бўлди.
Манбанинг маълум қилишича, “Aрсенал” тез орада «тақачилар»га 40 миллион евролик таклифни расман юборади.
ПСЖ уни олиб қолади
Парижнинг ПСЖ клуби Aнхел Ди Мариа билан ўртадаги шартномани узайтириш ниятида.
«Le Parisen» нашрининг маълум қилишича, 32 ёшли футболчи билан клуб музокараларга киришган. Маълум бўлишича, янги шартнома 2023-йилга қадар мўлжалланган бўлади.
Эслатиб ўтамиз, Ди Мариа ПСЖ шарафини 2015 йилдан бери ҳимоя қилмоқда. Унинг ҳисобида 48 та гол ва 63 та ассист мавжуд.
«Тоттенҳем»га Кинг керак
Aнглиянинг «Тоттенҳем» жамоаси устози Жозе Моуриньо «Бормунт» футболчисини ўз сафида кўришни истамоқда.
«The Telegraph» нашрининг маълум қилишича, Жозе Моуриньо «олчалар» ҳужумчиси Жошуа Кинг билан шартнома имзолашни клубдан талаб қилмоқда.
Эслатиб ўтамиз, ҳужумчи билан шунингдек «Манчестер Юнайтед» клуби ҳам қизиқиб қолган.
