Ushbu ruknimizdagi eng so‘nggi yangiliklar bilan tanishtirishda davom etamiz.

«Milan»ga hujumchi kerak

Itliyaning «Milan» klubi «Bud-Glimit» klubi hujumchisi Yens Xeug bilan qiziqib qoldi.

«Football Italia» nashrining ma’lum qilishicha, «rossonerilar» 20 yoshli hujumchining transferi borasida kelishuvga erishgan. Manbaning ma’lum qilishicha, hujumchi uchun klub 5 million yevro sarf etadi.

Eslatib o‘tamiz, Yens Norvegiya chempionatining 18 ta o‘yinda maydonga tushdi va o‘z hisobiga 14 ta gol yozdirib qo‘ydi.

«Shporlar» jiddiy kirishmoqda

Angliyaning «Tottenhem» klubi «Inter» himoyachisi Milan Shkrinyarni qo‘lga kiritishdan voz kechmayapti.

Italiya nashrlarining ma’lum qilishicha, «shporlar» Milanni qo‘lga kiritish uchun Xuan Foytni transferga qo‘yishga qaror qilgan.

Manbanin ma’lum qilishicha, Foytning transferidan kelib tushgan summa 10 million yevro bo‘lishi taxmin qilinmoqda. Shu yo‘sinda, klub «Inter» talab qilayotgan 45 million yevroni jamg‘armoqchi.

Eslatib o‘tamiz, «Inter» «Tottenhem»ning 35 million yevrolik taklifini rad etgan edi.

Sarr nishonda

Angliyaning «Uotfurd» klubi yarim himoyachisi Ismial Sarr faoliyatini «Manchester Yunayted»da davom ettirishi mumkin.

«Daily Telegrahp» nashrining ma’lum qilishicha, «qizil iblislar» Jeydon Sanchoning o‘rnini aynan Sarr bilan to‘ldirishga qaror qilgan.

Manbaning ma’lum qilishicha, «Manchester Yunayted» Sarr bilan shaxsiy shartnoma borasida muzokaralar olib bormoqda.

«Yuventus»da muammo!

Turinning «Yuventus» jamoasi Sami Hedira borasida muammoli vaziyatga duch keldi.

«Tuttosport» nashrining ma’lum qilishicha, 33 yoshli futbolchi «Yuventus» bilan o‘rtadagi shartnomani bekor qilish evaziga 6 million yevro tovon puli talab qilmoqda.

«Yuve» rahbarlari esa, Hediraga 3 million yevrodan ko‘p bermoqchi emas.

Eslatib o‘tamiz, Hedira bilan MLS va Qatar chempiontlaridan takliflar kelib tushmoqda.

Paketa «Lion»da?!

«Milan» yarim himoyachisi Lukas Paketa faoliyatini «Liga 1»da davom ettirishi mumkin.

«L'equipe» nashrining ma’lum qilishicha, «taqachilar» Paketani bir mavsumga sotib olish sharti bilan ijaraga olishni rejalashtirmoqda. Mavsum yakunlangach, uning transferi uchun «Lion» 18 million yevro to‘lashi talab etiladi.

Eslatib o‘tamiz, Lukas Paketa 2019 yilning yanvar oyida klub safiga kelib qo‘shildi va 37 ta o‘yinda maydonga tushdi. Uning hisobida 3 ta assist va bitta gol mavjud.