Kataloniyaning «Barselona» klubi «Lion» hujumchisi Memfis Depayni sotib olish niyatidan qaytgani yo‘q.
Ispaniya matbuotining tarqatgan ma’lumotiga qaraganda, «blaugranaslar» niderlandiyalik futbolchining transferi borasida yakuniy taklifni yuborishdi. «Barselona» Depay uchun 20 million yevrodan ko‘p mablag‘ sarf qilish niyatida emas.
Qo‘shimcha o‘rnida shuni aytish kerakki, ushbu bitimni amalga oshirishni «Barselona» klubi yangi bosh murabbiyi Ronald Kumanning shaxsan o‘zi xohlamoqda. Biroq, ushbu bitim amalga oshmasligi ham mumkin, chunki, «Lion» ushbu transferdan kamida 25-30 million yevro ishlab olishni mo‘ljallab turibdi.
