Каталониянинг «Барселона» клуби «Лион» ҳужумчиси Мемфис Депайни сотиб олиш ниятидан қайтгани йўқ.
Испания матбуотининг тарқатган маълумотига қараганда, «блаугранаслар» нидерландиялик футболчининг трансфери борасида якуний таклифни юборишди. «Барселона» Депай учун 20 миллион евродан кўп маблағ сарф қилиш ниятида эмас.
Қўшимча ўрнида шуни айтиш керакки, ушбу битимни амалга оширишни «Барселона» клуби янги бош мураббийи Рональд Куманнинг шахсан ўзи хоҳламоқда. Бироқ, ушбу битим амалга ошмаслиги ҳам мумкин, чунки, «Лион» ушбу трансфердан камида 25-30 миллион евро ишлаб олишни мўлжаллаб турибди.
