Ushbu ruknimizdagi eng so‘nggi yangiliklar bilan tanishtirishda davom etamiz.
«Torino» jiddiy kirishdi
Italiyaning «Torino» klubi «Milan» yarim himoyachisi Rede Kurunich bilan shartnoma imzolash niyatida.
«Tuttosport» nashrining ma’lum qilishicha, klubda Kurunichni qo‘lga kiritish uchun pul yo‘q. Agar, jamoa o‘z futbolchilaridan birini sotsagina «Milan»ga rasmiy taklif yuboradi.
Manbaning ma’lum qilishicha, 26 yoshli futbolchining o‘zi ham «Milan»dan ketishga qarshi emas. Yarim himoyachi ko‘proq o‘yin amaliyotiga ega bo‘lish niyatida.
Torreyra muzokaralarga kirishdi
Londonning “Arsenal” jamoasi yarim himoyachisi – Lukas Torreyra faoliyatini Ispaniyada davom ettirishi mumkin.
Fabrisio Romanining ma’lum qilishicha, 24 yoshli futbolchi bilan “Atletiko Madrid” shartnoma imzolash niyatida.
Manbaning ma’lum qilishicha, “Arsenal” urugvaylik futbolchining transferi uchun 24 million yevro talab qilmoqda.
«Milan» ijaraga futbolchi olmoqchi
Milanning «Milan» klubi «Real» va «Manchester Yunayted» futbolchilarini bir mavsumga ijaraga olish niyatida.
Italiya nashrlarining ma’lum qilishicha, «rossonerilar» Madriddan Nachoni, Manchesterdan Diogu Dalotni bir mavsumga ijara asosida qo‘lga kiritish uchun harakatlarni boshlab yuborgan.
Janluka Di Marsioning ma’lum qilishicha, bu taklif «Real»ni qoniqtirgan bo‘lsa, «qizil iblislar» o‘z futbolchisini ijaraga berishdan bosh tortgan.
«Yunayted» o‘z himoyachisini faqat to‘liq transfer qilish niyatida.
Dest «Barselona»da!
Gollandiyaning “Ayaks” futbolchisi – Serjino Dest yaqin soatlar ichida «Barselona» futbolchisi deb rasman e’lon qilinadi.
Jurnalist Alfredo Martinesning ma’lum qilishicha, himoyachi Kataloniyaga kecha tunda uchib kelgan va bugun shartnoma imzolanadi.
Manbaning ma’lum qilishicha, «Barselona» qanot himoyachisi uchun “Ayaks” hisob raqamiga 20 million yevro o‘tkazib beradi.
Adriyen Silva “A ceriya”ga yo‘l olmoqda
Angliyaning «Lester» jamoasi yarim himoyachisi Adriyen Silva faoliyatini Italiyada davom ettirishga juda yaqin turibdi.
«Sampdoria» klubining rasmiy sayti bergan xabarlarga qaraganda, portugaliyalik futbolchi klub bilan shaxsiy shartnoma borasida kelishuvga erishgan.
Manbaning ma’lum qilishicha, Silva tez orada «Sampdoria» a’zosiga aylanadi.
