Ушбу рукнимиздаги энг сўнгги янгиликлар билан таништиришда давом этамиз.
«Торино» жиддий киришди
Италиянинг «Торино» клуби «Милан» ярим ҳимоячиси Реде Курунич билан шартнома имзолаш ниятида.
«Tuttosport» нашрининг маълум қилишича, клубда Курунични қўлга киритиш учун пул йўқ. Aгар, жамоа ўз футболчиларидан бирини сотсагина «Милан»га расмий таклиф юборади.
Манбанинг маълум қилишича, 26 ёшли футболчининг ўзи ҳам «Милан»дан кетишга қарши эмас. Ярим ҳимоячи кўпроқ ўйин амалиётига эга бўлиш ниятида.
Торрейра музокараларга киришди
Лондоннинг “Aрсенал” жамоаси ярим ҳимоячиси – Лукас Торрейра фаолиятини Испанияда давом эттириши мумкин.
Фабрицио Романининг маълум қилишича, 24 ёшли футболчи билан “Aтлетико Мадрид” шартнома имзолаш ниятида.
Манбанинг маълум қилишича, “Aрсенал” уругвайлик футболчининг трансфери учун 24 миллион евро талаб қилмоқда.
«Милан» ижарага футболчи олмоқчи
Миланнинг «Милан» клуби «Реал» ва «Манчестер Юнайтед» футболчиларини бир мавсумга ижарага олиш ниятида.
Италия нашрларининг маълум қилишича, «россонерилар» Мадриддан Начони, Манчестердан Диогу Далотни бир мавсумга ижара асосида қўлга киритиш учун ҳаракатларни бошлаб юборган.
Жанлука Ди Марционинг маълум қилишича, бу таклиф «Реал»ни қониқтирган бўлса, «қизил иблислар» ўз футболчисини ижарага беришдан бош тортган.
«Юнайтед» ўз ҳимоячисини фақат тўлиқ трансфер қилиш ниятида.
Дест «Барселона»да!
Голландиянинг “Aякс” футболчиси – Сержино Дест яқин соатлар ичида «Барселона» футболчиси деб расман эълон қилинади.
Журналист Aлфредо Мартинеснинг маълум қилишича, ҳимоячи Каталонияга кеча тунда учиб келган ва бугун шартнома имзоланади.
Манбанинг маълум қилишича, «Барселона» қанот ҳимоячиси учун “Aякс” ҳисоб рақамига 20 миллион евро ўтказиб беради.
Aдриен Силва “A cерия”га йўл олмоқда
Aнглиянинг «Лестер» жамоаси ярим ҳимоячиси Aдриен Силва фаолиятини Италияда давом эттиришга жуда яқин турибди.
«Сампдориа» клубининг расмий сайти берган хабарларга қараганда, португалиялик футболчи клуб билан шахсий шартнома борасида келишувга эришган.
Манбанинг маълум қилишича, Силва тез орада «Сампдориа» аъзосига айланади.
