Londonning «Chelsi» klubi bosh murabbiyi Frenk Lempard «Tottenxem» klubi bosh murabbiyi Joze Mourinyo bilan nima uchun tortishganini tushuntirib berdi.
Angliya Liga Kubogi doirasida bo‘lib o‘tgan derbi mobaynida ushbu mutaxassislar bir-biriga baland ovozda muomila qilishgandi. Ushbu bahsda «Tottenxem» penaltilar seriyasida g‘olib chiqib, "Chelsi"ni musobaqadan chiqarib yubordi.
«Ha, biz birozgina tortishib qoldik, lekin bizning munosabatlarimiz iliq. Men unga o‘z futbolchilaridan ko‘ra, ko‘proq hakamlar bilan gaplashayotganini aytdim, biroq, men baribir Jozeni hurmat qilaman. Yakunda hammasi yaxshi barham topdi va munosabatlarimiz o‘zgarmaydi», - dedi Frenk.
