Лондоннинг «Челси» клуби бош мураббийи Фрэнк Лэмпард «Тоттенхэм» клуби бош мураббийи Жозе Моуриньо билан нима учун тортишганини тушунтириб берди.
Англия Лига Кубоги доирасида бўлиб ўтган дерби мобайнида ушбу мутахассислар бир-бирига баланд овозда муомила қилишганди. Ушбу баҳсда «Тоттенхэм» пенальтилар сериясида ғолиб чиқиб, "Челси"ни мусобақадан чиқариб юборди.
«Ҳа, биз бирозгина тортишиб қолдик, лекин бизнинг муносабатларимиз илиқ. Мен унга ўз футболчиларидан кўра, кўпроқ ҳакамлар билан гаплашаётганини айтдим, бироқ, мен барибир Жозени ҳурмат қиламан. Якунда ҳаммаси яхши барҳам топди ва муносабатларимиз ўзгармайди», - деди Фрэнк.
