Londonning «Tottenxem» klubi bosh murabbiyi Joze Mourinyo APL doirasida «Manchester Yunayted» klubiga qarshi bo‘lib o‘tadigan uchrashuv oldidan Manchester shahrida amalga oshirgan ishlari haqida fikr bildirdi.
«Muxlislar qo‘limdan kelgan barcha narsani qilganimni yaxshi tushunadi. «MYU»da yutish kerak bo‘lgan barcha sovrinni qo‘lga kiritdim. Yutishni ilojisi yo‘q narsalarni yutmadim.
Hamma narsamni berdim, hayotimni klubga bag‘ishladim, har doimgidek professionalman.
Klubda ko‘plab ajoyib insonlarni uchratdim, bir umrlik do‘stlar ortirdim. Menda «MYU»ga nisbatan iliq tuyg‘ular bor, lekin bu tuyg‘uni 90 daqiqaga unutishimga to‘g‘ri keladi. Bu futbol, ular g‘alaba qozonishni xohlaydi, men ham zafar quchishni istayman», – dedi portugaliyalik mutaxassis.
Mourinyo «Manchester Yunayted» bilan birga Angliya Liga Kubogi, Angliya Superkubogi va Yevropa Ligasida g‘olib chiqqan.
