Лондоннинг «Тоттенхэм» клуби бош мураббийи Жозе Моуриньо АПЛ доирасида «Манчестер Юнайтед» клубига қарши бўлиб ўтадиган учрашув олдидан Манчестер шаҳрида амалга оширган ишлари ҳақида фикр билдирди.
«Мухлислар қўлимдан келган барча нарсани қилганимни яхши тушунади. «МЮ»да ютиш керак бўлган барча совринни қўлга киритдим. Ютишни иложиси йўқ нарсаларни ютмадим.
Ҳамма нарсамни бердим, ҳаётимни клубга бағишладим, ҳар доимгидек профессионалман.
Клубда кўплаб ажойиб инсонларни учратдим, бир умрлик дўстлар ортирдим. Менда «МЮ»га нисбатан илиқ туйғулар бор, лекин бу туйғуни 90 дақиқага унутишимга тўғри келади. Бу футбол, улар ғалаба қозонишни хоҳлайди, мен ҳам зафар қучишни истайман», – деди португалиялик мутахассис.
Моуриньо «Манчестер Юнайтед» билан бирга Англия Лига Кубоги, Англия Суперкубоги ва Европа Лигасида ғолиб чиққан.
