O‘zbekiston MTJ kechagi mashg‘ulotlarni "Paxtakor" stadioni o‘tkazdi.
Kecha jamoa lageriga Otabek Shukurov ("Sharja", BAA), Rustamjon Ashurmatov ("Gvangju", J. Koreya) hamda Eldor Shomurodov ("Jenoa", Italiya) kelib qo‘shildi.
"Spartak" yarimhimoyachisi Oston O‘runov avvalgi jarohatlarining asorati sabab kechagi mashg‘ulotlar avvalida o‘zini noqulay his qila boshladi. Murabbiylar shtabi jamoa shifokori bilan maslahatlashib, futbolchini jiddiy jarohat xavfidan asrash, undagi ushbu kichik noqulaylik futbolchining MTJ va "Spartak"dagi keyingi faoliyatiga salbiy ta’sir ko‘rsatish ehtimolini hisobga olgan holda, unga ta’til berishga va jarohatini to‘liq davolab olishga imkoniyat yaratishga qaror qildi.
Shuningdek, "Paxtakor" klubi himoyachisi Yegor Krimes mashg‘ulotlarda kichik jarohat olganligi sababli MTJ yig‘inini tark etdi.
"Seongnam" klubi Jamshid Iskanderov Janubiy Koreyaga qaytganda 5 kundan ko‘p muddatga izolyasiyaga olinishi, shuningdek, Janubiy Koreya chempionatining hal qiluvchi uchrashuvlarida jamoa tarkibi kuchsizlanib qolmasligi uchun futbolchini MTJning oktyabr oyidagi yig‘iniga yubora olmasligini ma’lum qildi.
Suratlar muallifi: Jaloliddin Qobiljonov
