Ushbu ruknimizdagi eng so‘nggi yangiliklar bilan tanishtirishda davom etamiz.
Alabadan o‘zgacha taklif
Myunhenning «Bavariya» klubi himoyachisi David Alaba klubi o‘ng qanot yarim himoyachisi Mitchel Vayzer bilan shartnoma imzolashni tavsiya qilmoqda.
Goalnashrining ma’lum qilishicha, 26 yoshli futbolchi Davidning yaqin do‘sti sanaladi. E’tiborlisi shundaki, Mitchel 2012-2015 yillar oralig‘ida «Bavariya» sharafini himoya qilgan.
Manbaning ma’lum qilishicha, Alaba shu yo‘sinda Benjamin Pavarning o‘rnini to‘ldirishni reja qilmoqda.
Uilsher Glazgoda?
«Vest Hem» jamoasining sobiq a’zosi Jek Uilsher faoliyatini Shotlandiya chempionatida davom ettirishi mumkin.
Jurnalist Nikola Shiri bergan ma’lumotlarga qaraganda, 28 yoshli futbolchi «Reynjers» bilan muzokaralar olib bormoqda.
Manbaning ma’lum qilishicha, erkin agent maqomidagi futbolchi tez orada Jerrard jamoasi bilan 1 yillik shartnoma imzolashi kutilmoqda.
«Portu» ishga kirishdi
Angliyaning «Manchester Yunayted» klubi yarim himoyachisi Jessi Lingard faoliyatini Portugaliyada davom ettirdi mumkin.
ESPN nashrining ma’lum qilishicha, ingliz futbolchisini Lissabon klubi bir mavsumga ijaraga olishni rejalashtirmoqda.
Manbaning ma’lum qilishicha, Portugaliya klublari hali-hamon futbolchini qo‘lga kiritish fikridan qaytgani yo‘q. Jessining o‘zi ham o‘yin amaliyotiga ega bo‘lish maqsadida boshqa chempionatga yo‘l olishga qarshi emas.
Veynaldum qoladimi?
Angliyaning «Liverpul» klubi yarim himoyachisi Jorjino Veynaldum faoliyatini qaysi klubda davom ettirish borasida bayonot berdi.
«O‘ylashimcha, »Barselona"dan kelib tushgan taklif jiddiy emas edi. Agar boshqacharoq bo‘lganda, natija ham o‘zgacha ko‘rinish olgan bo‘lar edi. Ochig‘i hech qanday aniq bir taklif bo‘lmadi.
Katta ehtimol bilan «Liverpul»da qolaman. Mening shartnomam yana 10 oy davomida amalda bo‘ladi." - deb futbolchining so‘zlaridan iqtibos keltirmoqda Sky Sport nashri.
«Yuve» Emersonni olmoqchi edi, ammo...
Turinning «Yuventus» klubi «Chelsi» himoyachisi Emerson bilan shartnoma imzolashga juda yaqin kelgan edi.
"Calciomercato« nashrining ma’lum qilishicha, »Yuventus« Emerson bilan shaxsiy shartnoma borasida ham kelishuvga erishgan edi, ammo »Chelsi" o‘z futbolchisini 30 million yevrodan kamiga sotishni istamadi.
Manbaning ma’lum qilishicha, Emersonning o‘zi ham bu transferning amalga oshishini istagan, biroq London klubi o‘z talabida muqim turgan. Shu bois, Emerson endi qishki transfer oynasiga qadar Londonda qoladi.
