«Manchester Yunayted» hujumchisi Edinson Kavani PSJdagi sobiq jamoadoshi Neymar bilan munosabati haqida gapirdi.
"Neymar – yaxshi yigit. Bizda faqat bir marta, "Lion" bilan o‘yinda (Kavani penaltini Neymarga berishni istamagan) kelishmovchilik bo‘lgan. Buni hamma biladi. O‘shanda janjallashdik, bu holat kiyinish xonasida ham davom etdi.
Yozilgan xabarlarning aksariyati to‘g‘ri emas. Ha, biz turlichamiz. Lekin jamoadoshlar bilan do‘st bo‘lish shart emasligini doim ta’kidlab kelganman. Nazarimda maydonda do‘st bo‘lish, bir-birimizga tog‘ bo‘lishimiz yetarli. Kiyinish xonasida do‘st bo‘lishga va hamma bilan kechki ovqatga chiqishga hojat yo‘q.
Ha, Neymar bilan qarashlarimiz o‘zgacha. Ammo bu holat u bilan yaxshi munosabatda bo‘lishimizga to‘sqinlik qilmaydi", – deydi Kavani.
