"La Gazzetta dello Sport" nashri A seriya klublarining maoshlar reytingini e’lon qildi.

O‘tgan mavsum bilan solishtirganda barcha jamoalarning umumiy maoshlari miqdori 72 million yevroga kamaydi — 1,36 mlrd yevrodan 1,288 mlrd yevrogacha.

Birinchi navbatda bu koronavirus pandemiyasi keltirib chiqargan inqiroz bilan bog‘liq. Shuningdek, Italiyaga keladigan xorijlik fuqarolar uchun joriy qilingan alohida soliq tizimi ham bunga ta’sir ko‘rsatdi.

Maoshlar miqdorini eng ko‘p pasaytirgan klub «Yuventus» bo‘ldi – 58 million yevro. Shunga qaramay, turinliklar to‘laydigan maoshlarning umumiy miqdori A seriyada eng yuqorisi bo‘lib qolmoqda — 236 million yevro. Italiya chempionatida eng ko‘p maosh oluvchi futbolchi esa Krishtianu Ronaldu – 31 million yevro.

«Milan»ning maoshlar qaydnomasi 115 million yevrodan 90 millionga tushirildi. «Rossoneri»ning eng ko‘p maosh oladigan o‘yinchisi – Zlatan Ibrahimovich (7 million yevro).

«Inter»ning maoshlar byudjeti esa 10 million yevroga oshdi (149 mln yevro — Ligadagi ikkinchi ko‘rsatkich). «Lasio»ning umumiy maoshlari miqdori 11 mln. yevroga (83 mln. yevro), «Atalanta»niki 7 mln. yevroga (42 mln. yevro), u «Napoli»niki esa 2 mln. yevroga (105 mln. yevro — bu A seriyada to‘rtinchi ko‘rsatkich) oshdi.

Maoshlar qaydnomasi bo‘yicha reytingda uchinchi pog‘onani «Roma» egallab turibdi (112 millionov yevro, o‘tgan mavsumda 125 million yevro edi).