Angliya matbuotida "MYU" o‘z futbolchisi Xarri Maguayrga dam olish uchun imkon berishi haqida mish-mishlar tarqaldi. Jamoa bosh murabbiyi ushbu mishmishlarga oydinlik kiritdi.
Eslatib o‘tamiz, futbolchi Angliya terma jamoasining o‘yinida qizil kartochka oldi. Ungacha esa «Tottenxem» klubidan 1:6 hisobida qaqshatgich zarbani qabul qilib oldi.
«U qat’iyatli, o‘ynashga tayyor. Xarri – chetlatilishdan keyin yoki yomon o‘yinlardan keyin yashirinib oladigan futbolchi emas. U maydonga chiqishni va o‘zini ko‘rsatishni xohlamoqda.
Men uning chidamliligiga shubha qilmayman. U professional. Men u bilan muntazam ravishda suhbatlashib turaman, bizda ijobiy aloqa mavjud», – dedi Sulsher.
