Англия матбуотида "МЮ" ўз футболчиси Харри Магуайрга дам олиш учун имкон бериши ҳақида миш-мишлар тарқалди. Жамоа бош мураббийи ушбу мишмишларга ойдинлик киритди.

Эслатиб ўтамиз, футболчи Англия терма жамоасининг ўйинида қизил карточка олди. Унгача эса «Тоттенхэм» клубидан 1:6 ҳисобида қақшатгич зарбани қабул қилиб олди.

«У қатъиятли, ўйнашга тайёр. Харри – четлатилишдан кейин ёки ёмон ўйинлардан кейин яшириниб оладиган футболчи эмас. У майдонга чиқишни ва ўзини кўрсатишни хоҳламоқда.

Мен унинг чидамлилигига шубҳа қилмайман. У профессионал. Мен у билан мунтазам равишда суҳбатлашиб тураман, бизда ижобий алоқа мавжуд», – деди Сульшер.