«Галатасарой» клубининг нигериялик ҳужумчиси Виктор Осимхен Мадриднинг «Атлетико» клуби аъзосига айланиши мумкин. Бу ҳақда Forza Cimbom нашри хабар бермоқда.
Манбанинг берган маълумотларига кўра, «матрасчилар» Осимхенни 120 миллион евро эвазига сотиб олиш истаги борлиги борасида Туркия чемпионига расмий сўров юборишган. Бироқ «Галатасарой» ёзги трансфер ойнасида ўз юлдузини қўйиб юборишга тайёрми ёки йўқми, ҳозирча номаълум.
Бундан олдинроқ, агар Хулиан Альварес клубни тарк этадиган бўлса, Испания гранди унинг ўрнига Осимхенни шартнома имзолаши мумкинлиги ҳақида хабар берилган эди.
2025/26 йилги мавсумда Осимхен барча мусобақаларда жами 33 та учрашувда майдонга тушиб, 22 та гол урди ва саккизта голли узатмани амалга оширди.
