Turinning «Yuventus» va «Milan» klublari sobiq bosh murabbiyi Alberto Dzakkeroni Krishtianu Ronaldu va Zlatan Ibragimovichlarning Italiya futboli uchun ahamiyati haqida o‘z fikrlari bilan o‘rtoqlashdi.

«Faoliyatim mobaynida ko‘plab chempion futbolchilarni shug‘ullantirganman, lekin bitta narsadan afsusdamanki, hech qachon Ibragimovichga bosh murabbiylik qilmaganman.

U abadiydir. Lekin u nima uchun bir marta ham «Oltin to‘pni» yuta olmaganiga xayron qolaman.

U Italiya futboliga Krishtianu Ronalduga qaraganda ko‘proq ta’sir ko‘rsatdi. U kelganidan beri ko‘plab yosh futbolchilar beqiyos o‘sishgani bejizga emas.

U shunchaki gol urmaydi. U barcha sheriklariga ishonch bildiradi va qiyin paytlarda jamoasini yelkasida olib yuradi», – dedi Dzakkeroni.