Туриннинг «Ювентус» ва «Милан» клублари собиқ бош мураббийи Альберто Дзаккерони Криштиану Роналду ва Златан Ибрагимовичларнинг Италия футболи учун аҳамияти ҳақида ўз фикрлари билан ўртоқлашди.

«Фаолиятим мобайнида кўплаб чемпион футболчиларни шуғуллантирганман, лекин битта нарсадан афсусдаманки, ҳеч қачон Ибрагимовичга бош мураббийлик қилмаганман.

У абадийдир. Лекин у нима учун бир марта ҳам «Олтин тўпни» юта олмаганига хайрон қоламан.

У Италия футболига Криштиану Роналдуга қараганда кўпроқ таъсир кўрсатди. У келганидан бери кўплаб ёш футболчилар беқиёс ўсишгани бежизга эмас.

У шунчаки гол урмайди. У барча шерикларига ишонч билдиради ва қийин пайтларда жамоасини елкасида олиб юради», – деди Дзаккерони.