«PSJ» bosh murabbiyi Tomas Tuxel «Manchester Yunayted»ga qarshi bo‘lib o‘tgan Chempionlar ligasi o‘yini (1:2) borasida o‘z fikrini bildirib o‘tdi.

«Birinchi bo‘limda maydonda yo‘q edik. Bu bizning darajamiz emas. Nima uchun bunday bo‘lganini bilmayman. Na to‘p nazorati, na harakatlanish, na qarshi hujum, na kurashlar — hech bir jihatdan o‘zimizga o‘xshamadik. Bu bizning eng yomon o‘yinlarimizdan biri bo‘ldi. Shubhasiz.

Yaxshi yangiliklardan biri shuki, ortga qadam yo‘q edi. Biz 0:1 hisobida yutqaza turib, ikkinchi bo‘limda yaxshiroq o‘ynash oson edi.

Guye jarohat olgani uchun taktikaga o‘zgartirish kiritdik. Maydonga yana bir hujumkor futbolchini tushirdik. Tavakkal qildik va buning uchun o‘yin so‘ngida jazolandik. Biz uchun qiyin kun bo‘ldi.

Safimizda jarohatlangan futbolchilar ko‘p. Sifat jihatdan oqsayapmiz. Shuning uchun kelasi haftada «Istanbul»ga qarshi o‘yin bizning foydamizga ishlashiga ishonchim komil emas», – dedi Tuxel.