Kataloniyaning «Barselona» klubi rahbariyati jamoaning yosh futbolchisi Anssuman Fati bilan shartnomani uzaytirish borasida muzokaralarni boshladi.

Kataloniyalik rahbarlar 17 yoshli futbolchining o‘yinidan qoniqish hosil qilishmoqda, shuning uchun u bilan shartnomani uzaytirish payiga tushib qolishdi deya xabar tarqatmoqda Diario Sport.

Fatining agenti Jorje Mendesh o‘z mijozining oylik-maoshini oshirib berishlarini so‘ramoqda. Portugaliyalik futbol agenti «Barselona» rahbariyati bilan uchrashuv davomida yangi shartnoma borasida muzokaralar olib borishga tayyor ekanligini bildirgan.