Londonning "Tottenxem" klubi futbolchisi Garet Beyl Yevropa Ligasining LASK (3:0) klubi ustidan qozonilgan g‘alaba haqidagi fikrlari bilan o‘rtoqlashdi.

— Bunday o‘yinlar muhim ekanligini bilamiz. Juda yaxshi ishladik. Albatta, bu bizning eng yaxshi o‘ynimiz emas, ammo biz mustahkam ko‘rindik va asosiysi uch ochkoni qo‘lga kiritdik. Men hali to‘liq tayyor emasman, shuni aytishim mumkinki, men uchun hozir kichik mavsumoldi yig‘in bo‘lmoqda, o‘zimni mukammal sport formamga qaytishga harakat qilyapman. Umid qilamanki, bu uzoq vaqt talab qilmaydi va tez orada o‘zimning optimal holatimga qaytaman. Ushbu klubga qaytish va buyuk jamoada to‘p surish imkoniyatidan mamnunman, - Beylning so‘zlaridan iqtibos keltirmoqda BT Sport.