Лондоннинг "Тоттенхэм" клуби футболчиси Гарет Бэйл Европа Лигасининг ЛАСК (3:0) клуби устидан қозонилган ғалаба ҳақидаги фикрлари билан ўртоқлашди.

— Бундай ўйинлар муҳим эканлигини биламиз. Жуда яхши ишладик. Албатта, бу бизнинг энг яхши ўйнимиз эмас, аммо биз мустаҳкам кўриндик ва асосийси уч очкони қўлга киритдик. Мен ҳали тўлиқ тайёр эмасман, шуни айтишим мумкинки, мен учун ҳозир кичик мавсумолди йиғин бўлмоқда, ўзимни мукаммал спорт формамга қайтишга ҳаракат қиляпман. Умид қиламанки, бу узоқ вақт талаб қилмайди ва тез орада ўзимнинг оптимал ҳолатимга қайтаман. Ушбу клубга қайтиш ва буюк жамоада тўп суриш имкониятидан мамнунман, - Бэйлнинг сўзларидан иқтибос келтирмоқда BT Sport.