"Buxoro" bosh murabbiyi Jamshid Saidov "Metallurg" bilan bahsdan so‘ng o‘z fikrlarni bildirib o‘tdi.

"Og‘ir o‘yin bo‘ldi, o‘yin uchun yigitlardan minnatdorman, ular jon-jahdlari bilan kurashishdi.

Musobaqa jadvali bizni hali xursand qilmaydi. Oldinda o‘yinlar bor albatta, ochkolar uchun qo‘limizdan kelgancha qattiq kurashamiz. Maqsadimiz — albatta Superligani tark etmaslik.

Jasur Hasanovda kichik jarohat bor edi, Zafar Safayevga kelsak u o‘yinga tayyor, lekin Qobuljonov yaxshiroq ko‘rinyapti, uning oxirgi o‘yinlar bunga misol bo‘la oladi.

Bizda yosh mahalliy o‘yinchalar ko‘p, ular ko‘proq o‘ynashi uchun, futbolchi sifatida o‘zini ko‘rsatishlari uchun ko‘proq imkoniyat beryapmiz. Orqaga endi yo‘l yo‘q, jadvalda bizdan ortda jamoa ham yo‘q, shu sababli yigitlar bor imkonlarini ishga solib faqat oldinga harakat qilishyapti. Maqsad esa o‘sha o‘sha munosib ishtirok etib, superligada qolish. Qolgan o‘yinlarda maksimal darajada harakat qilamiz", — dedi Jamshid Saidov.