"Surxon" bilan Termizdagi bellashuvdan keyin "Paxtakor" bosh murabbiyi o‘yin xususida fikrlarini bildirib o‘tdi.
- Hamisha diqqatni jamlash va mehnat qilishda davom etish juda muhim. Biz yana o‘yinlarga ruhlana olyapmiz, yaxshi o‘yin namoyish etyapmiz. Bugun ko‘plab vaziyatlar yaratdik, ularning oltitasidan unumli foydalandik. Jamoa va klub birgalikda bir tizimda ishlash, oldinga qadam tashlashda davom etmoqda. Bu doimiy o‘sib borishda muhim taraflardan biri.
Futbolchilar mashg‘ulotlarda katta ishtiyoq bilan ishlashadi. Biz uchun har bir keyingi o‘yinning ahamiyati yuqori. Shunday ajoyib o‘yinimizni muxlislar kuzata olmagani afsuslanarli, albatta. Lekin hozir shunday davr va ko‘p narsalar odatdagidek emas. Yigitlarga ajoyib o‘yin uchun rahmat aytaman.
