Toshkent viloyatining Bo‘stonliq tumanida veloshosse bo‘yicha o‘smirlar, yoshlar va kattalar o‘rtasidagi mamlakat chempionati yakunlandi. Bugun dasturga ko‘ra musobaqaning eng qiziqarli yo‘nalishi bo‘lmish guruh poygasi yo‘nalishida g‘olib va sovrindorlar nomi aniqlab olindi.
Kutilganidek, erkaklar o‘rtasidagi bellashuvda tajribali sportchimiz Murodjon Xolmurodov marra chizig‘ini birinchi bo‘lib kesib o‘tdi. Ayollar o‘rtasidagi esa yosh iqtidorli vakillarimizdan biri Yanina Kuskovaga teng keladigani topilmadi.
Guruh poygasi. Erkaklar, 130 km
1. Murodjon Xolmurodov
2. Nikita Stenkovoy
3. Begzod Rahimboyev
Guruh poygasi. Ayollar, 90 km
1. Yanina Kuskova
2. Anna Kulikova
3. Renata Baymetova
Poygadan so‘ng musobaqaning shu va boshqa yo‘nalishlari uchun tantanali taqdirlash marosimi bo‘lib o‘tdi. Unda Rustam Shoabdurahmonov boshchiligidagi MOQ mutasaddilari, O‘zbekiston velosiped sporti federasiyasi rahbariyati, katta sport jamoatchiligi va jurnalistlar ishtirok etdi. Tadbir davomida MOQ rahbari so‘z olib, uzoq muddatli tanaffusdan so‘ng kechgan qiziqarli poyga haqida fikrlarini aytdi va sportchilarga o‘zining iliq fikrlarini bildirib o‘tdi.
Endi velosportchilarimiz kelasi haftadan trekda o‘tadigan yoshlar o‘rtasidagi mamlakat birinchiligida start olishadi.
