«Renn» futbolchisi Dalbert Enrike o‘ziga xos antirekord bilan Chempionlar Ligasi tarixidan joy oldi.
Gap shundaki, kecha turnir doirasida «Renn»ning «Chelsi»ga qarshi bahsida himoyachi ikkita penaltiga sabab bo‘ldi. Buning ustiga u uchrashuvning 40-daqiqasida qo‘pol o‘yini oqibatida qizil kartochka bilan ham «siylandi» hamda jamoasini og‘ir ahvolga solib, maydonni erta tark etishga majbur bo‘ldi.
Dalbertning o‘yindagi umumiy bali 3,67 ko‘rsatkichni tashkil etgan. Eslatib o‘tamiz, musobaqa davomida 2016 yildan beri bunday past natija qayd etilmayotgan edi.
