«Ренн» футболчиси Далберт Энрике ўзига хос антирекорд билан Чемпионлар Лигаси тарихидан жой олди.
Гап шундаки, кеча турнир доирасида «Ренн»нинг «Челси»га қарши баҳсида ҳимоячи иккита пенальтига сабаб бўлди. Бунинг устига у учрашувнинг 40-дақиқасида қўпол ўйини оқибатида қизил карточка билан ҳам «сийланди» ҳамда жамоасини оғир аҳволга солиб, майдонни эрта тарк этишга мажбур бўлди.
Далбертнинг ўйиндаги умумий бали 3,67 кўрсаткични ташкил этган. Эслатиб ўтамиз, мусобақа давомида 2016 йилдан бери бундай паст натижа қайд этилмаётган эди.
