Poytaxtimizdagi “Universal” sport saroyida boks bo‘yicha erkaklar o‘rtasida O‘zbekiston chempionati o‘z yakuniga yetdi. Qiziqarli va murosasiz o‘tgan bellashuvlar tomoshabinlarning katta qiziqishiga sabab bo‘ldi.
Kutilganidek, eng qiziqarli final -60 kg vazn toifasida Osiyo o‘yinlari finalchisi Shunqor Abdurasulov va o‘smirlar Olimpiadasi g‘olibi Abdumalik Xalakov o‘rtasida kechdi. Shiddatli kurashlarga boy o‘tgan jang Xalakovning g‘alabasi bilan yakunlandi. Shuningdek, o‘z vazn toifalarida Mirazizbek Mirzaxalilov (-57 kg), Bobousmon Baturov (-69 kg), Dilshodbek Ro‘zmetov (-81 kg) kabi yetakchilar g‘alaba qozonishdi. Aliyor Noraliyev (-63 kg) jarohati sabab ringga ko‘tarilmagan bo‘lsa, Tokio-2020 lisenziati Sanjar Tursunov (-91 kg) finalda imkoniyatni boy berdi.
– 49 kg. Nodirjon Mirzahmedov – Ibrohim Ishjanov
– 52 kg. Mironshox Ibragimov – Shahzod Muzaffarov
– 57 kg. Mirazizbek Mirzaxalilov – Xurshidbek Rasuljonov
– 60 kg. Shunqor Abdurasulov – Abdumalik Xalakov
– 63 kg. Asadxo‘ja Mo‘ydinxo‘jayev – Aliyor Noraliyev
– 69 kg. Bobousmon Baturov – Javlonbek Yo‘ldoshev
– 75 kg. Saidjamshid Jafarov – Odiljon Aslonov
– 81 kg. Dilshodbek Ro‘zmetov – Temurxon Soburov
– 91 kg. Sanjar Tursunov – Madiyor Saidrahimov
+ 91 kg. Lazizbek Mullajonov – Jahongir Zokirov
Shuningdek, chempionatning eng yaxshi bokschisiga atalgan “Rufat Risqiyev” sovriniga Mirazizbek Mirzaxalilov (-57 kg) va Tursunoy Rahimova (-51 kg) sazovor bo‘lishdi.
