"Chelsi" bosh murabbiyi Frenk Lempard APLning 8-turi doirasida bo‘lib o‘tgan "Sheffild"ga qarshi o‘yin borasida o‘z fikrini bildirib o‘tdi.

"Sheffild" – rostmana kuchli jamoa. U raqibga juda katta bosim o‘tkazadi. Bosimga dosh berishimiz qiyin kechdi. Qolgan jihatlar bo‘yicha esa ajoyib o‘yin namoyish etdik. Barcha bizdan birinchi kundanoq yuqori pressing kutgan edi. Ammo bunday emas. Biz jiddiy raqibga qarshi ko‘p xususiyatlarimizni ko‘rsata oldik. Shunday ruhda davom etishimiz kerak.

Hakim Ziyesh – yuqori sifatli o‘yinchi. U bizning muhim a’zomizga aylanadi. Menga maydonga tushib jamoa saviyasini oshira oladigan futbolchilar kerak. Bu oson emas.

Biz uchinchi o‘rindamiz. Endi mehnatlarimizning qandaydir natijalarini ko‘ra boshladik. Men bugun ko‘rgan ba’zi jihatlar ko‘zni quvontiradi. Lekin osmonlarda uchishga hali erta. Har bir o‘yin katta sinov ekanini yaxshi tushunaman.

Birinchi navbatda bu o‘yinchilarning xizmati natijasi. Bugun ularning barchasi ajoyib o‘yin ko‘rsatishdi. Jamoa yaxshi shakllandi, bu quvontiradi. Shunday ruhda davom etishimiz kerak", — dedi Lempard.