Hamyurtimiz Jasur Jaloliddinov to‘p surayotgan Rossiyaning «Tambov» klubi boshqa shaharga ko‘chib o‘tishi mumkin. Bu haqda klub sport direktori Pavel Xudyakov xabar berdi. Bu voqea jamoadagi moliyaviy muammo bartaraf etilmagan taqdirdagina yuz beradi.
«To‘g‘risini aytganda, ushbu mavzu yuzasidan gapirishni xohlamayotgandim. Bularning barchasi boshqa joyga ko‘chib o‘tish uchun qilinmayotgandi. Bu "Tambov" muxlislari Premyer-Ligani ko‘rishlari uchun qilingan. Endi hozir barcha fikrlar jamoa Tambovda qolishi haqida ketmoqda.
Agar 2021 yilning yanvar–fevral oyilarida stadionda hech qanday oldinga siljish yo‘qligini tushunsak va mablag‘ haqida hech narsa oydinlashmasa, jamoani saqlab qolish uchun shaharni o‘zgartirishdan boshqa variantlar qolmasa, u holda bu muzokara uchun mavzu bo‘ladi. Lekin hozir bu haqda gapirishni o‘rni emas. Moliyaviy tomondan juda ko‘plab muammolar bor, xotirjam bo‘lishimiz uchun oldimizda turgan beshta o‘yinda maksimal ochko yig‘ishimiz kerak. Hozirda hammamiz shu narsaga e’tibor qaratganmiz, — dediXudyakov «Rossiya 24» bilan suhbatda.
«Tambov» RPLning 14-uridan keyin turnir jadvalining 13-pog‘onasini band etib turibdi.
