Angliyaning «Liverpul» klubi bosh murabbiyi Yurgen Klopp APL doirasida «Brayton» (1:1) klubi bilan qayd etilgan natijadan so‘ng, yana APL taqvimini tanqid qildi.

– Milner bilan nima ro‘y berdi? Sonidan jarohat oldimi?

– Ha, Tabriklayman!

– Menimi?

– Yo‘q, Siz BT Sportda ishlaysiz-ku?! Ha, sonidan jarohat oldi. Shunaqa syurpriz bor. Ularda ham futbolchi jarohat oldi, hozir vaqt oddiy emas. Jarohatdan qanday qochishni Kris Uaylderdan so‘rang.

Yana bu qancha davom etishini bilmayman. Siz tashkilotchilar o‘yinni 17:30da (Toshkent vaqti bilan) o‘tkazishimizni xohladilaring. Dekabr oyigacha yana bir necha marotaba chorshanba kuni o‘ynaymiz, keyin shanba kuni 17:30da o‘ynaymiz.

Meni qanday bo‘lsa - shunday gapiraman. Avvaliga chorshanba, keyin shanba kuni soat 17:30da o‘ynash – futbolchilar uchun juda xavfli.

– Agar gap futbolchilarning farovonligida bo‘lsa, nega APL beshta futbolchi almashtirish fikridan voz kechdi?

– O, bu juda qiziqarli. Bir hafta oldin boshqa murabbiylar bilan gaplashganimda, ularning 15-16 nafari beshta futbolchi almashtirish qoidasi bekor qilinganidan norozi bo‘lgandi. Biroq, hech narsa o‘zgarmadi. Yana 14 ta ovoz kerak.

Kris Uaylderning fikricha, men egoist ekanman. O‘ylaymanki, uning o‘zlari uni o‘zini ham egoist ekanligini ko‘rsatdi. 5 ta futbolchi almashtirish – bu taktika yoki sxemani o‘zgartirish haqida emas. Agar bugun ixtiyorimda beshta futbolchi almashtirish imkoniyati bo‘lganida, u holda men Robertsonni zahiraga olib, uni jarohatdan qutqarib qolgan bo‘lardim. Bizda vaziyat shunaqa.

Men egoist bo‘lishni xohlamayman, lekin «Liverpul»ga nazar tashlang. Bunday taqvim hech kimda yo‘q, shu sababli, bu faqat men uchun muammo. Tarkibni shakllantirish men uchun muammoga aylandi, – dedi Klopp.