Italiya chempionatining 9-turi doirasida «Lasio» o‘z uyida «Udineze»ni qabul qilib, imkoniyatni boy berdi.

Udeneliklar tanaffusga qadar Arslon va Pussettoning gollari evaziga raqib darvozasini ikki marta ishg‘ol qilishdi. Bahsning 71-daqiqasiga kelib esa Forestyeri "Udineze"ning uchinchi golini rimliklar darvozasiga yo‘lladi.

Faqatgina shundan so‘ng "Lasio" penalti ishladi va undan Chiro Immobile unumli foydalanib, hisobni bittaga qisqartirdi. Indzagi shogirdlarining bundan ortig‘iga kuchlari yetmadi.

Ushbu g‘alabadan keyin "Udineze" o‘z ochkolarini 10taga yetkazib, jadvalda 11-o‘ringa ko‘tarildi. "Lasio" esa 14 ochko bilan 9-pog‘onada qoldi.

Italiya A seriyasi, 9-tur
Lasio – Udineze 1:3 (0:2, 1:1)
Gollar: 0:1 – 18 Arslan, 0:2 – 45 Pussetto, 0:3 – 71 Forestyeri, 1:3 – 74, penalti Immobile.
Lasio – Strakosha, Radu, Acherbi, Gabarron (Pereyra, 76), Lassari, Luis Alberto (Kaysedo, 63), Kataldi (Leyva, 46), Fares (Marushich, 46), Parolo (Akpa-Akpro, 46), Korrea, Immobile.
Udineze – Musso, Larsen, Nyuytink, Samir, Zegelar (Molina, 57), de Paul, Arslan (Yayalo, 57), Pussetto, Pereyra, Forestyeri (Uolas, 80), Rodrigo Bekao.
Ogohlantirishlar: Arslan (32), Fares (44), Pereyra (45), Samir (45), Musso (73), Leyva (77), Akpa-Akpro (90).