Италия чемпионатининг 9-тури доирасида «Лацио» ўз уйида «Удинезе»ни қабул қилиб, имкониятни бой берди.

Уденеликлар танаффусга қадар Арслон ва Пуссеттонинг голлари эвазига рақиб дарвозасини икки марта ишғол қилишди. Баҳснинг 71-дақиқасига келиб эса Форестьери "Удинезе"нинг учинчи голини римликлар дарвозасига йўллади.

Фақатгина шундан сўнг "Лацио" пенальти ишлади ва ундан Чиро Иммобиле унумли фойдаланиб, ҳисобни биттага қисқартирди. Индзаги шогирдларининг бундан ортиғига кучлари етмади.

Ушбу ғалабадан кейин "Удинезе" ўз очколарини 10тага етказиб, жадвалда 11-ўринга кўтарилди. "Лацио" эса 14 очко билан 9-поғонада қолди.

Италия А серияси, 9-тур
Лацио – Удинезе 1:3 (0:2, 1:1)
Голлар: 0:1 – 18 Арслан, 0:2 – 45 Пуссетто, 0:3 – 71 Форестьери, 1:3 – 74, пенальти Иммобиле.
Лацио – Стракоша, Раду, Ачерби, Габаррон (Перейра, 76), Лаццари, Луис Альберто (Кайседо, 63), Катальди (Лейва, 46), Фарес (Марушич, 46), Пароло (Акпа-Акпро, 46), Корреа, Иммобиле.
Удинезе – Муссо, Ларсен, Нюйтинк, Самир, Зегелар (Молина, 57), де Пауль, Арслан (Яяло, 57), Пуссетто, Перейра, Форестьери (Уолас, 80), Родриго Бекао.
Огоҳлантиришлар: Арслан (32), Фарес (44), Перейра (45), Самир (45), Муссо (73), Лейва (77), Акпа-Акпро (90).