"Lokomotiv" bilan bellashuvdan keyin Shota Arveladze bahs to‘g‘risida o‘z fikrlarini bildirdi.
- O‘yinda har ikki jamoa hujumkor futbol namoyish qilib, muxlislarni chiroyli o‘yin bilan xursand etishdi deb o‘ylayman. Yaxshi bahs uchun raqib va bu jamoa murabbiylariga rahmat aytaman. Ular bilan to‘qnashuvlar keskin kechadi. Bunday raqiblar bilan o‘ynash yoqimli.
Chempionlikni ajoyib nishonladik. Ushbu tadbirni tashkil etishda mehnat qilgan barchaga minnatdorchilik bildiraman. Chempionlik yo‘lida va bunday bayramni uyushtirishda ko‘pchilik ishlab kelmoqda. Ularning munosib xizmatini e’tirof etaman.
