Fransiyaning "PSJ" klubi hujumchisi Kilian Mbappe YECHLning ortda qolgan beshta turida bitta ham gol ura olmadi. Fransiyada yosh hujumchini keskin tanqid ostiga olishmoqda. Biroq, uni Fransiya terma jamoasi bosh murabbiyi Didye Desham himoya qildi.
«Kilian har doim muhim rol o‘ynaydi. Albatta, u gol urishi kerak. U so‘nggi marotaba gol kiritganiga ancha payt bo‘ldi.
Eng zo‘r hujumchilarda ham bunday davr bo‘lishini aytishim mumkin. Yakuniy pallada biroz omad va samaradorlik yetishmayapti», – dedi murabbiy.
Mbappe Fransiya chempionatida 8 ta uchrashuvda 9 ta gol kiritdi.
