Mashhur futbol agenti Mino Rayola «MYU» bosh murabbiyi Sulsherni ijtimoiy tarmoq orqali tanqid qilib chiqdi. Gap shundaki, biroz avvalroq norvegiyalik mutaxassis «Borussiya» hujumchisi Erling Holandni Romelu Lukaku bilan solishtirgan edi.
"Sulsher yaxshi murabbiy, samimiy inson. Lekin yuqorida aytgan gaplari umuman mantiqqa to‘g‘ri kelmaydi. Holand hali yosh, lekin uning darajasi Lukakunikidan ancha yuqori. Ikkalasi o‘rtasidagi o‘xshashlik faqat libosdagi 9-raqam xolos. Men shu paytgacha hali hech Holanddek stabil markaziy hujumchini ko‘rmagan edim. U menga Ronaldu va Zlatanni eslatib yuboradi. Erling ko‘proq Ibraga o‘xshab ketadi. Sulsher futbolchilarni solishtirguncha Pogba masalasida bir qarorga kelsin", - deydi Rayola.
