Машҳур футбол агенти Мино Райола «МЮ» бош мураббийи Сулшерни ижтимоий тармоқ орқали танқид қилиб чиқди. Гап шундаки, бироз аввалроқ норвегиялик мутахассис «Боруссия» ҳужумчиси Эрлинг Ҳоландни Ромелу Лукаку билан солиштирган эди.

"Сулшер яхши мураббий, самимий инсон. Лекин юқорида айтган гаплари умуман мантиққа тўғри келмайди. Ҳоланд ҳали ёш, лекин унинг даражаси Лукакуникидан анча юқори. Иккаласи ўртасидаги ўхшашлик фақат либосдаги 9-рақам холос. Мен шу пайтгача ҳали ҳеч Ҳоланддек стабил марказий ҳужумчини кўрмаган эдим. У менга Роналду ва Златанни эслатиб юборади. Эрлинг кўпроқ Ибрага ўхшаб кетади. Сулшер футболчиларни солиштиргунча Погба масаласида бир қарорга келсин", - дейди Райола.