Italiyaning «Inter» klubi bosh murabbiyi Antonio Konte YECHLning 6-tur doirasida Doneskning «Shaxtyor» klubiga qarshi bo‘lib o‘tadigan uchrashuvdan oldin tashkil etilgan matbuot anjumanida ishtirok etdi.

Qayd etish kerak, «Inter» 1/8 finalga yo‘l olish uchun g‘alaba qozonishi shart. Shuningdek, milanliklar «Real» hamda «Borussiya» (M) jamoalari o‘rtasidagi bahsda durang natijasi qayd etilmasligiga umid qilishlari kerak.

«O‘tgan haftada bizda aytarli imkoniyat qolmagandi, ammo hozir esa pley-offga yo‘l olish uchun imkoniyat paydo bo‘ldi. Tarkibimizda muammo bor – Vidal maydonga tusha olmaydi, lekin biz o‘zimizning yaxshi taraflarimizni ko‘rsatishga tayyormiz. O‘tgan turdja Vidalsiz ham g‘alaba qozonganmiz. Ajoyib jamoaga ega ekanligimizni va ko‘p narsaga qodir ekanligimizni bilamiz», - dedi Konte UEFA rasmiy saytiga.