Италиянинг «Интер» клуби бош мураббийи Антонио Конте ЕЧЛнинг 6-тур доирасида Донецкнинг «Шахтёр» клубига қарши бўлиб ўтадиган учрашувдан олдин ташкил этилган матбуот анжуманида иштирок этди.
Қайд этиш керак, «Интер» 1/8 финалга йўл олиш учун ғалаба қозониши шарт. Шунингдек, миланликлар «Реал» ҳамда «Боруссия» (М) жамоалари ўртасидаги баҳсда дуранг натижаси қайд этилмаслигига умид қилишлари керак.
«Ўтган ҳафтада бизда айтарли имконият қолмаганди, аммо ҳозир эса плей-оффга йўл олиш учун имконият пайдо бўлди. Таркибимизда муаммо бор – Видаль майдонга туша олмайди, лекин биз ўзимизнинг яхши тарафларимизни кўрсатишга тайёрмиз. Ўтган турджа Видалсиз ҳам ғалаба қозонганмиз. Ажойиб жамоага эга эканлигимизни ва кўп нарсага қодир эканлигимизни биламиз», - деди Конте УЕФА расмий сайтига.