Italiyaning «Inter» klubi bosh murabbiyi Antonio Konte A Seriya doirasida «Kalyari» (3:1) ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Yigitlar maqtovga loyiq o‘yin namoyish etishdi, biz o‘yinni ajoyib tarzda o‘tkazdik, birinchi bo‘limda juda ko‘plab vaziyatlar yaratdik, biroq, birinchi bo‘lib gol o‘tkazib yubordik. Bunday vaziyatda jamoa sinib qolishi mumkin, lekin shogirdlarim to‘g‘ri munosabat bildirishdi.
Eriksen? Men barcha futbolchilarni qadrlayman, lekin, biror bir futbolchi haqida alohida gapirish niyatim yo‘q. Bugun men butun jamoaning o‘yinini qayd etmoqchiman.
Har bir o‘yindan keyin o‘sishga erishyapmiz va oldinga qadam tashlayapmiz. Ayrim futbolchilar ko‘proq o‘yin amaliyotiga ega bo‘lishi uchun jamoamizdan ketishi kerak», - Kontening so‘zlaridan iqtibos keltirmoqda Football Italia.
