Kecha Krishtianu Ronaldu «Yuventus» tarkibida 100-o‘yinini va navbatdagi dublini «Jenoa» (3:1) klubiga qarshi o‘yinda nishonladi.
Portugaliyalik futbolchi "Yuventus" tarkibida 100 ta o‘yinda 79 ta gol urdi. U A Seriyada 62 ta, YECHLda 14 ta, Italiya Kubogida 2 va Italiya Superkubogida bitta gol kiritdi.
"Yuventus" klubining sobiq hujumchisi Omar Sivori 1957 yildan 1965 yilgacha 100 ta uchrshuvda maydonga tushib, 84 ta gol kiritgan. Jamoaning yana bir sobiq hujumchisi Feliche Borel esa 1932 yildan 1941 yilgacha, shuningdek, 1942 yildan 1946 yilgacha 100 ta o‘yinda 80 ta gol kiritgan.
«Yuventus» tarkibida 100 o‘yinda eng ko‘p gol kiritgan futbolchilar ro‘yxati:
1) Omar Sivori – 84 myacha;
2) Feliche Borel – 80;
3) Krishtianu Ronaldu – 79;
4) Djon Charlz – 70;
5) Yon Xansen – 62;
6) Roberto Badjo – 61;
7) Filippo Indzagi – 59;
8-10) Djampyero Boniperti – 56;
8-10) Mishel Platini – 56;
8-10) David Trezege – 56.
