Italiyaning «Milan» klubi bosh murabbiyi Stefano Pioli A Seriyasida «Jenoa» (2:2) klubiga qarshi bo‘lib o‘tgan o‘yin haqidagi fikrlari bilan o‘rtoqlashdi.

«Og‘ir maydondagi qiyin o‘yin. Agar birinchi bo‘limda hisobni ochganimizda o‘yin taktik tarafdan o‘zgarib ketardi. Kerakli natijani qo‘lga kiritish uchun bor kuchimizni sarfladik.

Garchi, raqibda u qadar ko‘p imkoniyat bo‘lmagan bo‘lsa-da, ikkita gol o‘tkazib yubordik. To‘g‘ri, umuman olganda juda ko‘p gol o‘tkazib yuboryapmiz ("Milan" A Seriyaning 12 ta o‘yinida 13 ta gol o‘tkazib yubordi – tahririyat).

Maydonning holati bizni aniq o‘ynashimizga yo‘l qo‘ymadi. O‘yinning so‘nggi daqiqasigacha g‘alaba qozonishga harakat qildik, afsuski uddalay olmadik», – dedi Pioli.