Италиянинг «Милан» клуби бош мураббийи Стефано Пиоли А Сериясида «Женоа» (2:2) клубига қарши бўлиб ўтган ўйин ҳақидаги фикрлари билан ўртоқлашди.

«Оғир майдондаги қийин ўйин. Агар биринчи бўлимда ҳисобни очганимизда ўйин тактик тарафдан ўзгариб кетарди. Керакли натижани қўлга киритиш учун бор кучимизни сарфладик.

Гарчи, рақибда у қадар кўп имконият бўлмаган бўлса-да, иккита гол ўтказиб юбордик. Тўғри, умуман олганда жуда кўп гол ўтказиб юборяпмиз ("Милан" А Сериянинг 12 та ўйинида 13 та гол ўтказиб юборди – таҳририят).

Майдоннинг ҳолати бизни аниқ ўйнашимизга йўл қўймади. Ўйиннинг сўнгги дақиқасигача ғалаба қозонишга ҳаракат қилдик, афсуски уддалай олмадик», – деди Пиоли.