Coca Cola Superligasi ushbu mavsumi yakuniga yetganidan xabaringiz bor. Mavsum davomida O‘zPFL oyning eng yaxshi futbolchisi, murabbiyi va golini aniqlab keldi. Yil yakunida esa, an’anaga ko‘ra turli nominasiyalarda eng yaxshilarni aniqlaydi.
O‘zPFL bu yilgi mavsum yakunida bir nechta nominasiyalar bo‘yicha eng yaxshilarni aniqlash tizimiga biroz o‘zgartirish kiritdi. Oldingi mavsumlarda yil laureatlarini aniqlashda ularning oyma-oy to‘plagan ochkolari yig‘indisi hisobga olinar edi. Bu yil eng yaxshilarni aniqlash uchun yakunda ham Coca Cola Superligasi klublari bosh murabbiylari va sardorlari hamda muxlislar ovoz beradi.
Yilning eng yaxshilari qatorida bu mavsum yilning eng yaxshi yosh futbolchisi ham aniqlanadi.
Coca Cola Superligasida yilning eng yosh futbolchisiga nomzodlar:
1. Abduvohid Ne’matov
2. Hojimat Erkinov
3. Ibrohimxalil Yo‘ldoshev
Eng yaxshi yosh futbolchiga ovoz berish jarayoni 16 dekabr kunidan 25 dekabr kunigacha davom etadi.
