Milanliklar sport direktori Pyero Ausilio klub yarimhimoyachisi Radja Nainggolan borasida yakuniy qarorga keldi deya xabar beradi Calciomercato.com sayti.
Unga ko‘ra futbolchi qishki transferlar oynasida shartnomasi yakuniga yetmasa ham boshqa klub ixtiryoriga o‘tishi mumkin, faqat "neradzurrilar"ni qoniqtiradigan taklif bo‘lsa.
«Biz Radjaning o‘zi bilan bafurja gaplashdik. Unga yaxshi sharoit yaratishga kelishib oldik. U hozir yetarli o‘yin amaliyotiga ega bo‘lishni xohlayapti. Men buni tushunaman. Biz hech kimni majburlamaymiz. Lekin talabimizga to‘g‘ri kelmaydigan taklif bo‘lsa, u klubda qoladi», - deydi Ausilio.
Eslatib o‘tamiz, Nainggolan o‘tgan mavsumni «Kalyari»da ijara asosida o‘tkazgan bo‘lib, u joriy mavsum «Inter» safida bor yo‘g‘i 4 ta o‘yinda maydonga tushgan.