Миланликлар спорт директори Пьеро Аусилио клуб яримҳимоячиси Раджа Наингголан борасида якуний қарорга келди дея хабар беради Calciomercato.com сайти.
Унга кўра футболчи қишки трансферлар ойнасида шартномаси якунига етмаса ҳам бошқа клуб ихтирёрига ўтиши мумкин, фақат "нерадзуррилар"ни қониқтирадиган таклиф бўлса.
«Биз Раджанинг ўзи билан бафуржа гаплашдик. Унга яхши шароит яратишга келишиб олдик. У ҳозир етарли ўйин амалиётига эга бўлишни хоҳлаяпти. Мен буни тушунаман. Биз ҳеч кимни мажбурламаймиз. Лекин талабимизга тўғри келмайдиган таклиф бўлса, у клубда қолади», - дейди Аусилио.
Эслатиб ўтамиз, Наингголан ўтган мавсумни «Кальяри»да ижара асосида ўтказган бўлиб, у жорий мавсум «Интер» сафида бор йўғи 4 та ўйинда майдонга тушган.
