Rimning «Roma» klubi bosh murabbiyi Paulu Fonseka jamoa himoyachisi Kris Smollingning o‘yinlari haqida fikr bildirdi.
«Kris ayni paytda o‘z sport formasida emas, bu normal holat, chunki u yaqinda jarohatidan forig‘ bo‘ldi. U o‘z sport formasini yig‘moqda.
Smolling himoyada noqulay o‘ynayapti? Bu noto‘g‘ri. Krisni bu sxema ostida yomon o‘ynayapti degan gapni qayerdan oldingiz, hayronman. U uch nafar himoyachiga mo‘ljallangan sxema ostida ko‘p marta o‘ynadi va o‘z ishini a’lo darajada amalga oshirdi», - Fonsekaning so‘zlaridan iqtibos keltirmoqda Football Italia.
