«Fiorentina» bosh murabbiyi Chezare Prandelli «Yuventus» ustidan qozonilgan g‘alaba haqida fikr bildirdi.

«Butun o‘yin davomida futbolchilarim raqibdan uyalmay harakat qilishdi. 90 minut davomida katta tavakkal bilan o‘ynadik. "Yuventus"ga qarshi hujumkor o‘yin ko‘rsatmasak jazolanishimizni bilardim.

To‘g‘ri, ushbu g‘alaba jadvalda bizga ko‘p narsa berolmaydi, lekin muxlislarimizga oz bo‘lsada ishonch berdi. Ko‘p mehnat qilgan jamoa g‘alabaga erishdi», - deydi murabbiy.

Eslatib o‘tamiz, ushbu g‘alabadan so‘ng «Fiorentina» 15-o‘ringa ko‘tarilib oldi.